FITIAVA-NAMANA (Lalie Andriamazava)

Nilaza tamiko izy fa vita hatreo
Ireo rehetra niainanareo
Sady izy hono efa leon’
Ny adiady teo,
Ka lasa izy, nanainga aninkeo

Fafao ny ranomasonao
Matokia ahy, izaho tsy iza fa namanao
Vonona hanampy anao
Hanamaivana ny olanao.

   Tsy misalasala manome tanana
   Sarobidy ny fitiava-namana
   Sady tsy mba miavona

Hadinoy re ’reo sorisorinao
Mitsikia dia andao isika hilalao
Ary ho tsapanao
Fa mbola mamy ny fiainanao
Avelao any ny sento sy tomany
Fa ny korana no ataontsika
Mameno trano.
--------