Tsy manary anao Ny Tompo (Ny Feo Mamatonalina)

(Nalaina tao amin'ny tononkira.serasera.org)
Jesoa Tompo miantso anao koa manolora tena
Fa Izy anie tsy mba mandao antoky ny famonjena

Raha sendra fijaliana mba jereo Jesoa nihafy
Nefa, he nijinja fifaliana valin'asan'ny mpamafy

Aza kivy na malaina, eny mitoria ny Teny soa
Mazotoa mikely aina Tompo homba anao tokoa
Tahotra entin'ny satana 'zay nangeja hatrizay
Matokia fa hovahana fa mahery anie Ny Ray

Raha sarotra ny dia aza mierika sao very
Ary, mahereza matokia Jesoa Tompo hampahery

Mitoria hatrany hatrany 'zany anie no efa nekena
Ary raha miala eto an-tany dia hisatro-bolamena

Raha sedraina ny fanahy amin'ireo loza maro be
Toa velon'ahiahy miantso vonjy toa tsy re
Mitsangana ry mpanompo 'zao no toky ho anao :
Tsy manary anao Ny Tompo fa miaraka aminao.
--------
Rohy:
Hametraka hevitra
Midira aloha
Momba ny hira
Mpihira : Ny Feo Mamatonalina
Vangy : 49
Mpankafy : 0 Ankafizo
Nampiditra : H.A.J.
Daty : 11/02/2024 05:55
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0862