Olon-tsotra (Antsafi)

Olon-tsotra sy malemy
Ity nantsoinao ho mpanompo
Mbola adala sy manjeny, Rovi-damba sy maloto
Olon’ory sy mahantra
Vovoka tsy mendrika
Efa zatra ny voalatsa, Ary koa voaenjika
Enga ka homenao ahy ny zotom-po madio
Hiasako ho Anao ry Ray mandrakizay doria
Ray ô! Ianao irery no sahy manatona ahy
Nanakombona ny fery, sy ny ratrako am-panahy
Ny fivavako mangina
Zay ventesiko ato anaty
No hanehoako fa any aoriana
Na ho faly aho na hiafy
Dia Ianao hatrany
No horeharehako
Mandram-pialako eto an-tany
N’aiza n’aiza alehako
--------