Tsy miraika (Lalie Andriamazava)

Ny hanadino anao tsy haiko
Raha ny foko foana no mibaiko
Satriko aza hahita anao
Fa maika aho
Tena maika ny ho eo anilanao

Saingy efa ela loatra
’Lay foko no nitroatra
Tsy niahotra ny ho tia anao
Anefa tsy miraika
Tsy mba maika ny ho eo anilako ianao

Tsy hiandry valiny aho
Tsy hiandrandra tambiny aho
Fa efa fantatro ankehitriny

Fa tsy miraika
Tsy mba maika ny ho eo anilako ianao

Ka aleo aho hisaona ny anaranao
Avelao aho hino hoe foana ny fitiavanao

Mora hanadinoko anao
Mba tsy hanantenako anao
--------