Mitsangana, mifohaza (Antsafi)

Tanora o! aiza moa ianao
Fa ny firenenao mila anao izao
Sampy sy filan’ny nofo no manjaka ao
Ianao no antsoiny hanova azy izao

Mitsangana ianao, itafio Kristy
Ampiasao ny talenta, finoana natolony
Ny Fanahy Masina hialoha anao
Ka aza matahotra fa mandrosoa izao

Tanora o! mifohaza izao
Injao ny Tompo fa efa miantso anao hoe:
Avia mitsangana ka mandehana
Ndeha mitoria ny fibebahana
Aza menatra ianao ho vavolombelony
Ka hanohy ny asa ‘zay efa natombony
Ny Fanahy Masina hialoha anao
Ka aza matahotra fa mandrosoa izao
--------