Noël Noël (Bessa)

Mpihira : Bessa
Mpamaky : 1251
Nampidirin'i : chrislyd2
Tamin'ny : 08/01/2011 22:13:40
ID : 5966

Noël, Noël !.... Isan-taona dia injao !
Noël, Noël !.... Tsianjery no atao
Noël, Noël !.... Tonta ve sa vaovao ?

Noël, Noël !.... Efa mila tsy ho re !
Noël, Noël !.... Ilay teny tsotra hoe :
Noël, Noël !.... Fiadanana anie !

Minia mikimpy avokoa izao tontolo izao
Ka ny Noely zary andron'ny manan-katao
Hodian-tsy hita ve ireo mahantra marobe ?
Izany no Noely ve ?

Mamonjy tavan'andro ny mpihatsaravelatsihy
Ka mody avela kely aloha ny zera baomba ary
Fa rahampitso dia tohizana indray e !

Noël, Noël !....

Misafo vava, konjo kosa ireo kamboty Ray
Fadiranovana hatrany, tsy misy mpandray
Ny maso foana no apitrapitrany eo e !
Toa miantsoantso hoe : "Vonjeo !"

'Lay Famonjena nodradraina hatry ny elabe
No azonay antenaina, rahoviana re ?
Sa ny Mpamonjy tsy mba tonga ho anay e !
Fa tsy mba ondriny izahay

Noël, Noël !.... Ankehitriny, fantatrao izay tokony hatao amin'ny rahalahinao
Noël, Noël !.... Mba meteza ianao handre !
Noël, Noël !.... Ilay teny tsotra hoe :
Noël, Noël !.... "Fiadanana anie !"