Tompo ô ! ny faniriako (CFF (Chorale Foibe FPVM Taninanandrano))

1 - Anilanao  e, ry Tompo malala
     No mamiko indrindra sy tena tiako
     Ka n’inon-kidona izaho tsy hiala
     Fa hanaraka Anao, izay no faniriako

Réf : Hidera sy hanome
         Voninahitra ho Anao
        Ry Tompo sy Mpanjaka
        Rain’izao tontolo izao

2 - Ianao izay tompon’ny hery rehetra
     Ny faniriako izao sy ny (mba ) fikasako
     Dia ny hanompo Anao ka aina no fetra
     Izany re ! ry Tompo no vetson’ny foko

3 - Ireo andro rehetra izay nomenao ahy
    Atokako ho Anao , Anao manontolo
    Fa raha eo Aminao tsy misy mampanahy
    Fa toy ny ondry tsara, tsara kolokolo
--------