Tsara fatotra (Zandry Gasy)

Ianao lay tokana nofinidiko
Malalako sady tiako
Niara-nizara ireo tsiambarateloko
Ny hafaliako sy ny alaheloko
Ianao lay niaritra zava-tsy finidy
Na ny mafy na mangidy
Lay mamiko indrindra o! Tanteliko
Ianao no anjeliko

Fa ny antsika roa dia fitia mandra-maty
Toa lamban'akoho e! Iray aina iray vatsy
F'efa lasanao tsy misy ady varotra
Ty foko tsara fatotra

Ny tia sy ny tiana no indro tafaray
Toy ny bararata noladinim-bahy
Fitia vita sedra mafy tsy ho voangotra
Ilay fitia tsara fatotra
Tsy ho afomololo fa ho afon-tsompitra
Ho lavitry ny mpisompatra
Ho arovako mafy e! Sy ho kolokoloiko
Haninteraka ato am-poko
--------