Tenin'ny fiainana (Antoko Mpihira Taratry ny mazava)

(Nalaina tao amin'ny tononkira.serasera.org)
1.Hankany amin’iza moa izahay?
Hianao ‘Lay tsy miova, no mandrakizay
Hianao Tompo ô! no manana ny tenin’ny fiainana
Mandrakizay hianao no làlana

Ka na dia maro aza no te-handrava
Eny an-dalandalana eny sanatria
Ny teninao dia tsy mba ho rava
Lay fanilo zay mitsilo sy manazava

Réf: Soa fa nomenao ahy e!
Ilay sabatry ny fanahy
Teny mandresy ny ady e!
Famonjena ho an’izay mitady e!

2.Teninao mofon’aina isan’andro
Sady hery velona no masoandro
Mitarika ny diako, mitsinjo izay alehako
Mandrakizay  ho an’ny fiainako

Fa ny teninao tsy maty no maharitra
Zay mamelom-belon’aina mahafinaritra
Enga anie hamoa zay nafafy
Famonjena ho an’izay manavao fitafy

Réf: Soa fa nomenao ahy e!
Ilay sabatry ny fanahy
Teny mandresy ny ady e!
Famonjena ho an’izay mitady e!

Io ‘lay teny tsy maty
Manadio ny ato anaty
Teny soa hatrizay
Velona mandrakizay  
--------
Rohy:
Hametraka hevitra
Midira aloha
Momba ny hira
Mpihira : Antoko Mpihira Taratry ny mazava
Vangy : 99
Mpankafy : 0 Ankafizo
Nampiditra : faliherijaona17
Daty : 18/05/2025 00:08
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2025 - page load 0.1439