TSAROVY (ANTSON'NY FAMONJENA (F.K.P.M.V. MAKEDONIA FAMONJENA))

Tsy izay rehetra mamiratra dia volamena
Na izay miakanjo tsara no manan-karena
Tsy izay manao hoe Tompoko anie dia ho vonjena
Fa izay miasa am-panetre-tena
Koa andeha ary isika ry namako oh
Hiara-dia ifankatia
Fa efa akaiky ny andro hiavin’ny Tompo
Koa mahereza hatrany hatrany

Tsy izay hosoran-tantely no lazaina fa mamy
Na izay hosoran-tsakay no tena mafaitra
Tsy izay manao hoe Tompoko anie no hovonjena
Fa izay miasa am-panetre-tena
Sikino hatrana ny valahanareo
Fa miharatsy izao fiainana izao
Hatanjao ny saina banjino Jesoa
Hahazoana fiadanam-po

Tsy izay maika ny andeha no indro tafita
Na izay mande mafy koa no afaka hiampita
Tsy izay manao hoe Tompoko anie dia hovonjena
Fa izay miasa am-panetretena
Herezo tokoa ny dianareo
fa ny Tompo homba hatrany
Aza kivy izao na koa hitoreo
F’Ilay Mpamonjy hamaly izany
--------