Hanompo aho (Antoko Mpihira MORIA)

1- Matetika aho no nihevitra hoe
Ampy ahy ny hery ananako
Nilaza fa toa mahay mandeha
‘Zaho lay tsy mba nankato

Nanary tena ihany aho
Raha tsy nandray Anao
Nafoiko ilay Fanahy
Mpitari-dalana
Ianao kosa tsy izany
Fa teo Ianao Jesoa
Niantra ahy namindra fo

Ref: Ankehitriny kosa re
Vonona aho ny andeha
Hanatanteraka ireo asa
‘Zay tarihin’ny fanahy
Ambarako anio Jesoa
N'inona n’inona hanjo
Sanatria ny hoe hiala
Zao Tompo oh efa ANAO

Hiasa , hanompo aho hirotsaka
Tsy hivadika mihitsy
Voalazanao, be ny vokatra
Fa ny mpiasa no vitsy

Mahatsiaro sambatra aho
Raha vao nandray Anao
Miaina am-pitoniana
Fenoinao fifaliana
Indro am-panetre-tena
No ilazako koa
‘Zaho navotan’i JESOA
--------