Voninahitra (Ampifafi)

1°Tonga ny andro Noely andro malaza tokoa
   Ilay Jesosy zazakely no teraka anio
   Ilay Zanaky ny Avo no tonga ho anao
   Venteso ny hosana hanakoako izao

      REF :Voninahitra any amin’ny avo indrindra
              Ho an’Andriamanitra, ho an’Andriamanitra
              Ary fiadanana kosa ho ety ambonin’ny tany
              Amin’ny olona ankasitrahany, ankasitrahany

2) Taitra ’reo mpiandry ondry ka raiki-tahotra
    Nefa hoy ireo anjely : aza  matahotra
    Ka teny soa mahafaly no hambara ho anareo
    Teraka ny Mpamonjy ao Betlehema anio

3°Zaza no teraka ho antsika Zazalahy no nomena
   Ary ny fanapahana dia eo an-tsorony
   Mahagaga ,Mpanolo-tsaina, Andriamanitra mahery
   Rain’ny mandrakizay fiadanana ho anao
--------