Harena sy fananako (AMAF - Antoko Mpihira Andravoahangy Fivavahana)

https://tononkira.serasera.org/hira/amaf/harena-sy-fananako

Ianao Jeso no manasitrana ahy,
Ka tsy hanafenako ny aretiko
Ny indrafonao tsy hay faritana,
No manamaivana ny zioga entiko
Ianao ilay nihombo teo Kalvary,
No anankinako ny fiainako
Ianao mahita ny adin-tsaiko ety,
No antenaiko hampody ny marainako

Tsy avelako Ianao Jesosy ô !
Raha tsy mandray ny tanako
Ka idongiako tsotra izao
Ho HARENA SY FANANAKO
Mba manana an’iza moa aho ?
Fa Ianao no Tokiko !
Matoa miantoraka Aminao
Ry Raiko sady Zokiko

Inty aho Jeso raha toa ka sitrakao,
MiarakaTsiky dia ampy amin’ny halotoako
Manolo-tena ho diovinao,
Manorina Aminao ny finoako
Na toa ny voatsinampy bitika,
Ka avelanao hiantefa ao am-po
Ny sombin-dranao mba mipitika,
Izay dia efa ampy hanadiovana ahy tokoa

Tsy avelako Ianao Jesosy ô !

Ny fahotan’izay mangeja ahy,
Ka toa mampisaraka ahy Aminao
Dia ivalozako eto anio ry Ray,
Mba ahazoako ny fiainan-baovao
Koa hamasino ho mendrika Anao,
Mba ho voninahitrao ry Ray Tsitoha
Izao fanoloran-tenako izao,
Ampio hahay hifikitra Aminao tokoa

Tsy avelako Ianao Jesosy ô !

Hametraka hevitra

Midira aloha

Mpihira : AMAF - Antoko Mpihira Andravoahangy Fivavahana
Mpamaky : 9797
Mpakafy : 0 Ankafizo
Nampidirin'i :
Tamin'ny : 26/01/2004 09:23:33
ID : 2229

Tondrom-peo

Hampiditra tondrompeo