NOHO NY FAHASOAVANAO (AMAF - Antoko Mpihira Andravoahangy Fivavahana)

1-Noho ny fahasoavanao e, ry Ray Malala
Dia mbola toy izao mbola tsy mamoy fo
Tsy avelanao handao ny vala
Fa ambenanao tokoa

Refrain: Mihorohoro izahay miatrika ady isan’andro vaky izao
             Tsy mahafikitra aminao satria marefo
       Soa fa eo Ianao tsy mamela anay ho folaka andantony

2-Noho ilay fahasoavana e, ny fahanginanay
No zary ampinga entinay misetra
Ny hetraketrak’i satana
Milofo hamotraka

3-Aza avela hiantehatra amin’ny herinay
Fa tsy mahavita tena raha misaraka Aminao
Meteza hanoro anay mba handray
Ireo toromarikao

Misaotra Ray noho ny fandrenesanao ny antsoantson-janakao avy ao anaty andavanandrony
Misaotra noho ny fahendrena atafinao ny fo torovana mba ho anjara masoandrony
Misaotra noho ny valim-bavaka tsy takatry ny saina amin’ny maha olon-tsotra
Mahatonga anay hitraka, manantena fifaliana sy fiainana mizotra

AMAF
--------