Bômbô gasy (Lolo sy ny tariny)

(Nalaina tao amin'ny tononkira.serasera.org)
BÔMBÔ GASY

Tsy tany amparihin’Itasy aho omaly
Tsy nahita ilay voninkazo ti(a)nao
Ka indro nitondra ireo bômbô gasy
Any mamy homeko anao

Tsy tany amparihin’Itasy aho omaly
Tsy nahita ilay voninkazo ti(a)nao
Ka indro nitondra ireo bômbô gasy
Any mamy homeko anao

Bômbô mantsy
Misy loko maro
Ho entinao ma(ha)tsiaro ireo zava-maro nataonao taloha
Bômbô mantsy
Mba vonikazo koa

Ariary tokony ahazoako sigara
Aleoko niafy tsy nifoka akory
Naleoko nividy ireo bômbô gasy
Porofom-pitiavako anao

Ariary tokony ahazoako sigara
Aleoko niafy tsy nifoka akory
Naleoko nividy ireo bômbô gasy
Porofom-pitiavako anao

Bômbô mantsy
Maharitra am-bava
Mora mampisava ny ngidin’ny fiainana efa mankalao
Bômbô mantsy
No solon-tsigara

Sendra an-dry zalahy aho voatery nitsoaka
Androany mivoady tsy hisotro toaka
Naleoko nitondra ireo bômbô gasy
Eo anilanao aho miafy

Sendra an-dry zalahy aho voatery nitsoaka
Androany mivoady tsy hisotro toaka
Naleoko nitondra ireo bômbô gasy
Eo anilanao aho miafy

Bômbô mantsy
Zaraina aminao
Toa tsy mankalao fa mamy daholo izao tontolo izao
Bômbô mantsy
Mba paradisa koa

Fa maika ny hamonjy ny anilanao
Ka indro solafaka ity havanao
Ireo nianjera ireo bômbô gasy
Tomany aho nagasihasy

Fa maika ny hamonjy ny anilanao
Ka indro solafaka ity havanao
Ireo nianjera ireo bômbô gasy
Tomany aho nagasihasy

Bômbô mantsy
Raha sendra ka very
Tsy maha te hijery ireo masonao efa nanantena
Bômbô mantsy
Ka fahoriana koa

Tsy tany amparihin’Itasy aho omaly
Tsy nahita ilay voninkazo ti(a)nao
Ka indro nitondra ireo bômbô gasy
Any mamy homeko anao

LÔLÔ sy ny Tariny
--------
Rohy:
Hametraka hevitra
Midira aloha
Momba ny hira
Mpihira : Lolo sy ny tariny
Vangy : 13141
Mpankafy : 2 Ankafizo
Nampiditra : Grity
Daty : 30/10/2001 12:10
© serasera.org 1999 - 2024 - page load 0.3729