Ilay akanjo fotsy (Lolo sy ny tariny)

Ilay akanjo fotsy tsy nanaovanao
Raha tsy andro alahady
Iny indray izaho nampitafiana anao
sanatria toa hanambady

Kanefa anie, Mitoetra anaty rahona any
Izaho re tavela irery eto antany
Tomany, malahelo Migoka ranomaso ô ô ô

Voninkazo kely eo an-tratranao
Raozy kely saro-bidy
Toa an’iny anie no saika nomeko anao
Raha toa isika roa nivady

Indrisy re fa ny alahelo anao sisa
No tonga eo hameno ora maro isa
Mandra-pahatongako eny akaikinao a ô ô ô

Volana tantely rakotra fanala
No mba hany anjaranao
Ny fitiavantsika tsy nisy nahalala
Vao mba tonga dia nandao

Oviana moa ianao nihazakazaka
Raha vao nahita ahy avy any lavitra any
Oviana koa ianao niteny moramira
Andao isika hivady nataoko vazivazy ô ô ô

Indro ianao matory mandry fahizay
Tsy mihaino ahy intsony
Voninkazo kely saika mba haniry
Kanjo tonga ny havandra
--------