Zakaranda (Lolo sy ny tariny)

Hafahafa ho’aho ny tontolon’izy iny
Zakaranda nipoapoaka
Fonfon-tany mando koa mba tiany
Rehefa volana Oktobra
Orana mitendry ny fanitso
Izay no hira tiany indrindra
Ilay masoandro mody hamonjy ampitso
No sinemany takariva

Izy tsy nanao kahie de sovenira
Ilay alefa mandehandeha
Tsy nanangona sarina mpihira
Ho atao peta-drindrina
Nampatahotra azy ny bal amin’ny alina
Tabataba matimaty jiro
Nampanofy ratsy, nofinofy adala
Na maraina aza tsy adino

Rojo volafotsy tefin-karana
Tazako eny an-tratrany
Io no nanome ahy hazavana
Nanoro ny anarany

Lasa bitsibitsiko isan’andro
Rehefa izay mba mifanena
Lasa hirahirako atoandro
Nofiko hadiva haraina

Ka nitoetra teo ny fitiavako iny
Tsy mba nisy resa-be
Arahaba iray, tsikiny midify
Samy lasa nandeha
Samy mba nanohy ny eritreriny any
Ny azy anie tsy fantatro
Fa ny ahy niova hira ihany
Asa izay na tsapany
Hafahafa ho’aho ny tontolon’izy iny
Zakaranda nipoapoaka
Fonfon-tany mando lasa tiako
Rehefa volana Oktobra
--------