Vavaka (Antoko Mpihira Akon'I Ziona (FJKM Ambohitsoa Fibebahana))

Vavaka, io no hany afaka
Hanova ny ati-fonao ho tonga vaovao
Vavaka, io no hany sabatra
Handrava ny haratsiana
Izay mamatotra ny fiainanao

Ref:
Mivavaha, mivavaha
Angataho ny Fanahy
Hialoha lalana
Hibebaho, ka hialao
Ireo hadalana izay fanao
Dia hahita fitsaharana Ianao

Vavaka, io no aro fanina
Miaro ny famindra tsy ho diso lalana
Vavaka, raha io no tena iainana
Na sendra potraka aza mora miarina
Satria Jesoa Miahy

Vavaka, io no hany afaka
Hamerina indray ny fifalianao
Vavaka, raha io no atao fiainana
Hiposaka ny masoandrom-pifaliana
Izay katsahinao


Tonony sy feony ary fandrindrana zavamaneno : RANDRIANARIVO Fetiarinjara
--------