Akaikinao, Andriamanitra ô ! (ANJOMARA-Anosivavaka)

Ity hira ity dia ao anatin’ny K7/CD vol.2 navoakan’ny ANJOMARA-Anosivavaka tamin’ny taona 2001.

AKAIKINAO, ANDRIAMANITRA O !
Feony : Rajonson (mpamoron-kira tao amin’ny fiangonana Tranovato Anatirova fahiny)
Tonony : Rajonson

Akaikinao, Andriamanitra ô,
No lavitry ny horohoro.
Miravo tsy mba manana adim-po,
Na lanitra aza no hikoro.

Eo anilanao, ry Jeso Tompo,
Ny fo mitady fierena.
Na misafoaka aza ny manjo,
Tsy azon-doza akaikena.

Fanahy Masina ô, onony re
Ny fo izay valaka sy hana !
Tantano ho tafita re
Na tondraka aza i Jordanina.

Ny torimaso farany
Izay handaozanay ny fahoriana
No vavahady izay hidiranay,
Handraisanay ny fifaliana.
--------