Saino tsara (Hagay Groupe)

Saino tsara

Tsy mety tonga saina oa raolombelona
Androany mifona, ny ampitso mamerina
Tsy mety fay mihintsy toa manararaotra
Ny fahatsoran'ilay Ray zay miala nenina

Koa saino tsara, zay ho avinao
Fa ny vola tsy mahavita hamafa ny trosanao
Aza mihenahena sao dia tara ianao
Kely sisa ny fotoana, omano ny dianao

Dia mivezivezy foana tsy hita hoe manahoana
D'efa manantena, mitoky amin'ny harena
Ataony voavidy vola ilay fanekena
Raha mivadika koa ny Tompo, eo izy no tavela

Dia variana amin'ny rendrarendran'izao tontolo izao
Dia miliba amin'izay ato, tsy menatra mihintsy ianao
Oe misy mijery, mandinika tsara anao
Ka izay nafafy ihany no hojinjainao

Koa saino tsara, izay ho avinao......

Koa saino tsara ny hafatra tiany ambara e
Mianaloha fa tsy mianafara sao ratsy fiafara
Mandeha ary ny tantara fa ny nenina anie ao afara
Na hiankavia ianao na hiankavanana
Tsy misy afa-miala, mandalo fitsara
Eo ianao vao mihanahana, be mantsy ny adalana
Hiandry kapoka mahamay ianao ve zay vao hibebaka
Sao lahy diso aoriana re, tapaho ny hevitra
--------