Vavaka ho an'i Dada sy Neny (Antoko Mpihiran'ny Andon'ny Lanitra Antohomadinika (A.M.A.L.A))

Tompo o, Mba raiso izao vavaka izao
Hasandratro aminao, ho an'Ikaky sy Ineny
Antoky ny Soa avy aminao izy ireo
Ny soa avy aminao (*2)

Tompo o, masoandro be lohataona
Sy volana mazava i Dada sy Neny
Maminay ery ny fiadananao
Ny fiadananao (*2)

Omeo hery izahay ry Tompo o
Ihavanay hatrany reo Ray aman-dreny
Ampio koa anie zahay Zanakao
Mahay hankasitraka azy ireny

Ref: Ianao ry Tompo no ianteheranay
Iantreheranay ho an'i Dada sy Neny
Ry Rainay o, mitalaho izahay e
Mba raiso re zao vavaka izao

Tompo o, ifonanay eto anio
Ireo mampalahelo  an'i Dada sy Neny
Nampalahelo anao koa izany
Ifonanay tokoa (*2)

Tompo o, raha tonga ny andro fahanterany
Aza avela  ho osa i Dada sy Neny
Dia tafio hery avy aminao izy ireo
Noho fitiavanao (*2)

Tafio irery sy fahasalamana
Alaviro azy ireo ny rofy rehetra
Tahio mba ho soa ary ho salama tsara
Hifanatitra amin-janaka amam-para

Ref: ...

Tompo o, saotra no atolotro Anao
Zay nanome anay an'i Dada sy Neny
Tandidonao ety aminay izy ireny
Tandindonao ireny (*2)

Voninahitra anie ho anao ry Ray
Ho anao koa ny zanaka, ho anao ry Fanahy
Toy ny teo aloha sy ankehitriny
Ary mandrakizay doria amen!
--------