Hiara-hifaly (Antoko Mpihira MORIA)

1 - Ny fiainana mantsy toa sarotra alaina
Satria mampahory ka mampitaraina anao oh
Toa miezaka hatrany mitady izay ampy
Mandeha misikidy mitety ny sampy

Kanefa indrisy tsy mahavonjy ireny
Fa fitaka ihany ny teny nomeny

Fa indro Jeso efa tonga ho anao
Izay nisolo ny heloka rehetra natao
Dia indro tanteraka ilay famonjena

Ref : Ndao hiara-hifaly daholo ary isika e
Hiara-hikalo hira, vavaka sy mozika
Faingana daholo na vavy na lahy
Mba hiara-hidera an'Andriamanitra
Manatona aza misalasala, Andao !
Ndao hiara-hidera ilay Tompo mahery
Izay tonga hitady sy hamonjy ny very
Ka ny dera sy laza dia Azy irery ihany
Fa Izy irery ihany no mendrika izany
Ety an-tany sy any an-danitra any.

2 - Matetika mantsy isika izay mpino
Variana amin'ny fiainana
Ka manadino ilay Ray oh
Dia ilay Andriamanitra be indrafo
No toa tsy tsaroana fa mila adino

Tazony mafy ny fanantenana
Na dia sarotra aza ny lalan-kombana

Dia aza variana amin'ny fiainana ety
Fa tsinjovy ihany ilay fiainana arý
Dia ilay fiainana mandrakizay

Ref ...
--------