Mahereza (Ny any aminay)

Noho ny ady ve dia amoy fo ianao
Mikiriza sombinaina fa fomban-tany izao

Dia ny ady ve izay tsy maintsy hatao
Dia ny ady ve, no hampilofika anao?

Ref:
Fa any andro, any volana
Iza moa no mety ahalala
Tsy hisy intsony angamba ny olana
ô mahereza re ry malala !

Noho ny fahoriana ve izay tsy azo iodiviana
Aza kivy, mitrakà,fa ny eto fivahiniana ô!

Dia ny ady ve izay tsy maintsy hatao
Dia ny ady ve, no hampilofika anao?

Ref:
fa any andro, any volana...

Noho ny tanintsika ve, sa noho ny adintsaina
no mampisento anao , mitsangana sombiaina

dia ny ady ve izay tsy maintsy hatao
dia ny ady ve, no hampilofika anao?

Ref:
fa any andro, any volana...

N'inona n'inona hitranga, aza mba misalasala
jereo ny lala-kombana, mahereza ry malala ô

dia ny ady ve izay tsy maintsy hatao
dia ny ady ve, no hampilofika anao?

Ref:
fa any andro, any volana...

RAKOTONDRAINIBE Bernard / Naivoarivelo RAKOTONDRATSIMBA
--------