HIFAMPIVAVAKA (Ny ANTSAN'NY FAMONJENA)

Reo adin-tsaina sy ny ahiahy, ireo tebiteby mangeja anao
ianao ilay kikisan'ny adim-panahy, reo tahotra izay mamatotra anao
toa mitovitovy amin'ny fiainako, ny adim-piainana lalovanao;
Reo faniriana sy ny fikasana, ireo hetaheta ao anatinao
ianao ilay mikatsaka ny fiovana, fivoarana amin'ny fiainanao
toa mitovitovy amin'ny zavatra iriko, ireo fanantenana ao anatinao

Malala eo imason'Andriamanitra, be voninahitra ianao sady tiany e
Tiany ianao, tiany toa ahy, ka tsy nafoiny ho very
Malala eo imason'i Jesosy ianao, ianao no nihaviany
Tiany ianao, tiany toa ahy, ka tsy avelany ho irery
moa sitrany akory,
ny handeha hampahory anao
ka hahita anao ory sy mijaly,
ho be fahoriana,ho be fanahiana,
tiany aza ianao mba hifaly

ka antsoy ny fanahy, fanahy masina
izy no andeha hatonina
fa izy hifona ho antsika amin'ny fitarainana tsy azo tononina
noho ny fahalemena dia tsy fantatsika ny teny sy vavaka tokony hatao
ndao hiray fo, hiray fanahy, hiray saina raha mety ianao


Ndao hifampivavaka
hotononiko ami-Jeso ny alahelonao
ireo ranomaso sy fitomaniana
mizioga aretina sy fijaliana
Ho sitraniny ianao e
hifampivavaka
ho entiko eo ami Jeso ny hetahetanao
ireo faniriana sy ny fikasana
ny fahazaran-dratsy izay tianao hialana
Hafahany ianao
ireo tebiteby sy ny taintaina
ianao ilay sahirana, feno adin-tsaina
ndao hifampifavavaka e
na takona amiko aza ny tena fiainanao
na tsy fantatro aza ny tsiambaratelonao
ndao hifampifavavaka e
Ho tahiana ianao, hambinina ianao
Jehovah hanatsotra ny tanany aminao
hampidina ny fahasoavany ho eo aminao

Tsy ho sasatra aho ny hivavaka ho anao
hangataka, hisaotra, hifona ho anao aho e
satria izay no anjarako
Fa ny hany tokana angatahako aminao
Raha sendra mahatsiaro anaty tonom-bavakao ianao é
Tonony koa ny anarako.
Ndao hifampivavaka e
Tonony koa ny anarako.
Ndao hifampivavaka e
Mba samy hahery isika e
--------