Telo izay iray (Iraimbilanja)

Tao Betleheman’i Jodia
No niavian’ilay Mesia
Zanak’Andriamanitra
Tonga mba hanavotra

Tao an-tranon’omby kely izay
No nahaterahan’ny Zanaky ny Ray
Izy no Mpanavotra
Ety an-tany hatrany an-danitra

Ny kintana ambony no nitsena ny dia
Avy any atsinanana, hoe ilay Mesia
Zanak’Andriamanitra
Feno anjely ny lanitra
Faly mihoby hoe sambatra
Voninahitra anie ho an’ny Avo indrindra

Derao - fa Izy no Mpanjakanao
Hosana - ho an’Andriamanitra
Derao - I Jesoa Kristy Tomponao
Hosana - ho an’Andriamanitra
Ilay telo izay iray

Hira no atolotro
Ho an’i Jesoa Mpanjaka soa
Hira fiderana Anao
Nanao ny tany sy ny lanitra
--------