Tambavy (Iraimbilanja)

Nalaina tany an’ala
Nentina an-tanana
Natapy mba ho maina tsara
Natao rano fisotro
Mba hampatanjaka aina
Sy ahasalama vatana

Harena tamin’ny razana
Niampita tamin-janaka
Ho lovan’ny faramandimby
Taloha, fahagola tsy nisy hopitaly
Fa zava-maniry no nitsabo

Tambavy voa-janahary
Rano tsy mankarary
Aza dorana ny ala

Fery, farasisa, angorongosy sy ny sisa
Samy manana ny tandrify azy avy
Aty mangamangana, vavony tsy salama
Manatona ny mpanao tambavy
Tsy resaka dadarabe, fa vitan’ny Nahary
Kajio ny tontolonao
Lazao amin’ny tany, sambory sy fongory
Ny manimba zava-boaary.
--------