Anosipatrana malala (Fikambanan'ny Mpihira Zafindraonin'Anosipatrana FMZA)

1. Ry Anosipatrana malala
Manan-daza sy be mahalala
Fiangonana ankalamanjana
Mora tazana, maha-tamana
Tsangambaton'ireo 'zay nitaiza
Misy ny havana sy ny sakaiza

2. Na lavitra na akaiky
Dia samy miara-manaiky
Fa tandindomin'ilay Paradisa
Ahitana ny soa tsy voaisa
Ny mijery anao mampifaly
Fa ny takona anao mampijaly

3.  Marobe ny fiangona-malaza
Samy tsara sy maha-te hilaza
Fa ANOSIPATRANA ihany
Aminay re no tokana an-tany
Vavahadin'ny Lanitra eto
Ka raha takona anay mampisento

Izahay zanakao n'aiza n'aiza
Dia efa vita sonia,ao anaty
Matokia ry reny nitaiza
Ho tsarovan'ny fo mandra-maty
--------