NAPETRAPETRAKAO... (Dadah Rabel)

Tsy ady, tsy fifamaliana,
Tsy hita izay teo;
Tsy hita intsony ianao, nangina,
Fa inona no niseho?
Taratasy, taty aoriana,
Nilaza fa vita hatreo...
Hay moa ka kilalao,
Napetrapetrakao,
Toa sangy, vazivazy,
Ka zary rava ho azy!

Fa fitia niredareda,
Tsy toy ny nahazatra;
Fa toa raozy, soa sy ngeza,
Ts’isy tsilo handratra;
Hay fitia tsy nateza,
Alahelo tsy omby tratra...
Hay moa ka kilalao,
Napetrapetrakao,
Toa sangy, vazivazy,
Ka zary rava ho azy!

Dadah
--------