Andriamanitra avo (Dadah Rabel)

(Nalaina tao amin'ny tononkira.serasera.org)
Toa tsy ho ela dia ho foana izao tontolo izao
Soa ihany aho fa nihaona sy nahalala anao
Fa teny amoron-kady ny antsana no tazana
Nitodika aho nitady tsy sandry ihantsampazana
Ny manodidina ahy toa maona sy pokaty
Ny hatsaram-panahy nandositra sa maty?
Na ny fitserana aza lasa nandao koa ny fo
Tsisy teny ahalaza ny alaheloko

Indrisy ny fitiavan-tena
Ny loharanon’ny maloto
Tsy mety ritra tsy hay fefena
Ka lasa rano fisotro
Tsy misy atahorana
Hitsakitsahina daholo
Nahilika nodorana
Ny Fahendren’ny Ntaolo

Fa tonga ianao nivatsy finoana sy fitiavana
Handresy ireo ratsy hampiray, hampihavana
Ka ny fitiavana no hasetriko ny sompatra
Ny manodidina ahy ny fony iriko hisokatra

Fa tsisy lalan-tsarotra
Na fitsapana mety handavo
Fa ao hitsinjo hanavotra
ANDRIAMANITRA AVO
--------
Rohy:
Hametraka hevitra
Midira aloha
Momba ny hira
Mpihira : Dadah Rabel
Vangy : 14976
Mpankafy : 1 Ankafizo
Nampiditra : Hasina
Daty : 16/10/2003 11:37
© serasera.org 1999 - 2024 - page load 0.02