You are here: home > Tononkira > Dadah Rabel

Ho avy tsy ho ela (Dadah Rabel)

https://tononkira.serasera.org/hira/dadah-rabel/ho-avy-tsy-ho-ela

Fa ho avy tsy ho ela
Hanolo ny hatsiaka ho hafanana
F’izaho tsy hamela
Ny haizina handresy ny hazavana

’reo mafy niafiako
Nandaozako akany namoizako tiana
Efa nikipiko
Ahafahako hivimbina hafaliana
Any aoriana

Fa mipotrapotraka
Ny atsembohako toa tsy ho lany
Ny vatako trotraka
Mandà ny ho lavo fa mijory ihany

Tsy maintsy hivaly
Ny andro manorana mbola ho tsara
Ianareo tsy hijaly
Fa ho avy aho ho tonga, hikarakara
Ao afara

Fa hTsiky dia ampyo avy aho sombinaina
Tsy hahantra na dia tsy ho mpanana koa
Saingy tsy hiveri-maina
F’hitondra ny ampy hiavian’ny soa

Ho avy aho hitoetra
Hanandradra anao ho ambon’ny fahoriana rehetra
Tsy handresy lahatra intsony
Fa hitony

Ianao sasa-miandry
Mizaka manginy izay midona
Tsy tafandry mandry
Nefa tsy kivy, tsy milona

F’injay ’sika hihaona
Ianao ’lay nitondra, ianao ’lay nizaka
Tsy olonolom-paona
Fa ho voasandratra ho mpanjaka
Afaka hitraka


DADAH

Hametraka hevitra

Midira aloha

Mpihira : Dadah Rabel
Mpamaky : 3974
Mpakafy : 0 Ankafizo
Nampidirin'i : Hasina
Tamin'ny : 20/10/2003 17:38:14
ID : 2018

Tondrom-peo

Hampiditra tondrompeo