Ianao ilay tsy manan-tsahala (Dadah Rabel)

Ianao ilay tsy manan-tsahala,
Ilay nisafidy hizara ny diako;
Ianao ihany no mahalala,
Ireo ahiahy sy ireo faniriako;
Ianao teo anilako hatrany,
Nizara ny tsiky, namafa tomany;
Ianao no nanampy, nampitraka,
Nanampy ahy hibaby ny mafy tsy zaka...

Ianao ilay tsy manan-tsahala,
Ilay nisafidy hizary ny hoaviko,
Ianao, ilay hany tokako, malala,
Ilay mandra-maty hany hotiaviko;
Ianao teo anilako eo foana,
Tsy fanontaniana, tsy nisy hoe nahoana;
Ianao ilay tsy be fisehosehoana,
Nefa tratr’antso rehefa antsoina...

Dadah
--------