Mikentrona avokoa (Dadah Rabel)

(Nalaina tao amin'ny tononkira.serasera.org)
Mikentrona avokoa
Ny hoditrao manontolo
Ela niarahan-droa
Tafaray fotsy volo

Ireo masonao mainty manga
Nihafotsy ho azy teo
Ny nifinao maro banga
Mahatonga anao hiova feo.

Izaho kosa savolaina
Vokoka sy trotraka
Efa miharitra aina
Efa mihatrotraka

Efa manao poa
Efa miverin-tsaina
Mangozohozo loha
Efa manaintaina

Isika no ela netezana
Fa ny fontsika tanora aok’izany
Ianao no taolan-tehezana
Andefimandry hatrany.

Mikisaka raha mamindra
Mihilangilana
Mikaviavia mirindra
Bila sy vilana

Nefa mbola mitosy
Mbola miangoty koa
Rangahibe sy rafotsy
Mbola mifankatoa

Ny ankizy nokoloina
Tsy misy tsinjo intsony
Tsy hita ho antsoina
Efa voafehy ireo fony

Teto isika roa
Tojo ny farany
Asa izay handeha aloha
Miandry ny anjarany

Fa raha ianao no lasana
Matesa faingana aho
Tsy hihidy ela ny fasana
F’izaho tsy mahafoy anao

Ny faniriako hatrizay
Ny hiara antitra aminao
Fa ny avo no nampiray
Zao ve vao hifandao

Tsy tantiko ny ho irery
Raha banga ny toeranao
Tsy misy mpankahery
Koa avia re alao

Ho tapany aho fa tsy ho iray
Aza ilaozanao toy izao
Hiara lavenona hiara kitay
Hiara maty aminao
--------
Rohy:
Hevitra
azteca ( 05/11/2019 08:49)
Fa raha ianao no lasana
Matesa faingana aho
"Tsy hitia ela ny fasana"
F’izaho tsy mahafoy anao
..............
"tsy hihidy ela ny fasana" angamba no izy
Hametraka hevitra
Midira aloha
Momba ny hira
Mpihira : Dadah Rabel
Vangy : 4883
Mpankafy : 0 Ankafizo
Nampiditra : mamonjy
Daty : 07/12/2003 23:12
Hihaino

Mbola tsy nisy nampiditra hira

Hampiditra
© serasera.org 1999 - 2024 - page load 0.4864