Tsy nomenao ahy (Antsafi)

1-Mifankahalala izaho sy ianao
    Eny efa hatramin’ny taloha
    Fa samy hafa ny fiainana
    F’ianao dia niova fo
    Izaho ilay be loha
    Ianao mahalala an’i Jesoa
   Hitanao ny fiainako, fantatrao ny fisainako
   Fa feno hadalana, sady rako-pahotana
   Teo foana ianao, naira-niaina
   Nifampizara ny manta sy ny masaka
   Nefa nojerenao fotsiny aho
   Hitanao fa mbola voafatotra

Tahotra ahy ve? Sa henatr’ihany koa
No tsy nanambaranao, ahy an’I Jesoa
Tsy nomenao ahy ilay tena harena
Tsy nomenao ahy ilay tena fitiavana
Tsy nomenao ahy ilay famonjena
Fa nafeninao ilay fiadanana

2- Nomenao ahy ny volanao, nafoinao ny lambanao
    Eny fa na ny ainao aza dia mbola atolotrao
    Toa foinao avokoa toa tena namana tokoa
    Vitanao ny fiainako, dia izay rehetra itarainako
    Fa toa ivelany ihany, misy fetra eto an-tany
   Tao zatra aho, niantehitra ny fanohananao rehefa reraka
   Nefa mbola banga ihany izany
   Tsy  nasehonao ahy ilay mpanafaka

Tahotra ahy ve? Sa henatr’ihany koa
No tsy nanambaranao, ahy an’I Jesoa
Tsy nomenao ahy ilay tena harena
Tsy nomenao ahy ilay tena fitiavana
Tsy nomenao ahy ilay famonjena
Fa nafeninao ilay fiadanana


Tsy nomenao ahy ilay tena harena
Tsy nomenao ahy ilay tena fitiavana
Tsy nomenao ahy ilay famonjena
Fa nafeninao ilay fiadanana
--------