Andeha isika hanatona ny Tompo (Antoko Mpihira MORIA)

Ry havana aman-tsakaiza ô mba mandrenesa
(Ô mandrenesa)
Ny fiainana eto an-tany dia misy fetra
(Eh misy fetra)
Ry havana aman-tsakaiza ô mba mandrenesa
(Ô mandrenesa)
Ny fiainana eto an-tany dia misy fetra
(Eh misy fetra)

Nambinin'Andriamanitra ianao ka manam-bola
Dia indro miedinedina ery fa tsy ho tola
Ny laza sy voninahitra no ireharehana
Ny ditra sy ny adalana no indro MAHATAMANA

Andeha isika hanatona ny Tompo
Fa hodioviny avokoa ny loto
Asa misalasala fa hovonjeny
Izay mahasoa rehetra dia omeny
Ao Aminy no misy famonjena
Tsy ny eto an-tany ihany no jerena
Andao handrobaka ny paradisa
Ho fahasambarana ny andro sisa

Ry havana aman-tsakaiza ô mba mihevera
(Ô mihevera)
Mandalo sy toy ny zavona izay jerena
(Eh izay jerena)
Ry havana aman-tsakaiza ô mba mihevera
(Ô mihevera)
Mandalo sy toy ny zavona izay jerena
(Eh izay jerena)

Ny endrika sy ny bika soa izay tompoina
Ho vovoka sy lavenona, ho zava-poana
Ny vola sy ny harena azo dia ho ritra
Ny namana nianteherana, TSY HO HITA

Andeha isika hanatona ...

[ Andeha hanatona Azy
F'ao Aminy no misy vonjy ] x4

Andeha isika hanatona ...
--------