Fitiavana moana (Andrianary Ratianarivo)

Tia azy izany foko , eny tia
nefa kosa hotendreko mba hangiana
raha ny handrafy ny olon-tiana, sanatria!
fandeferana no manda, no manda nofidiana

Raiki-po tamin’ny olona tsy manina
Niomankomana ny hamandrika tsiriry
kanjo tojo itony ady
Itony ady mahafanina
ny fanahy foana re no mangirifiry

Tsy maninona eny hoy aho Ranivoaly
ny misopatra dia zavatra tsy haiko
f’izao no zavatra hokendreko ho idealy
ny adidiko aminao re, io no tontosaiko
ny kapoaka atolotrao dia hosotroiko
Na mangeroka aza re hozakaiko ihany
f’ilay fitia izay tsy mivaha dia hovonoiko
Hovonoiko tsy hitrebona eee
tsy hitrebona eo an-tany

raiki-po........
--------