Mitsangana (VLM Ampitankely)

1.Mitsangana ry olom-boafidy
Hirahin’I Jehovah ianao
Mandehana efao ny adidy
Atokisany ho vitanao
Aza manahy ny fiadiana
Zay marefo eo an-tananao
Mandehana aza be fikiriana
Amin’izao herinao izao

Fiv Fa Jehovah no Tompon’ny hery
Loharanon’ny tanjaka
Hampodiana ireo ondry very
Tsy ho latsaka an-davaka
Hampiverina azy ireo ao am-bala
Hampandroso ihany koa izay tsy ao
Ny fahavalo tsy maintsy hiala
Horesen’Andriamanitrao

2.Mitoria ny Filazantsara
Ialao ireo ratsy fanao
Mitsinjova ny fiafara
Mitariha ihany koa ny namanao
Matokia fa tsy maintsy mandresy
Amin’ny ady zay atrehinao
Mifalia ao amin’i Jesosy
Ilay tokana tsy mba mandao

Fiv Fa Jehovah no Tompon’ny hery
Loharanon’ny tanjaka
Hampodiana ireo ondry very
Tsy ho latsaka an-davaka
Hampiverina azy ireo ao am-bala
Hampandroso ihany koa izay tsy ao
Ny fahavalo tsy maintsy hiala
Horesen’Andriamanitrao

AC RAZAFINIAINA Laurent
--------