Tia ka tsy mino (Fanja Andriamanantena)

Fantatro ianao fa tsy te hanadino
Tsapako ianao fa tia ka tsy mino hoe
Izy efa lasa
Tsy tazana intsony fa mbola mamony, mbola mamelana
Mbola mandefa hanitra miserana

Fantatro ianao fa tsy te hanadino
Tsapak ianao fa tia ka tsy mino hoe
Izy dia mpandalo
Tsy sahy mitoetra, tsy sahy manambara ny zava-drehetra
Fa fo mistery, fo manirery

Fantatro ianao fa tsy te hanadino
Tsapako ianao fa tia ka tsy mino hoe
Izy tsy misy fa aloka ihany
Rivo-miserana mpandrotsa-tomany, alina nofy nofikirinao
Hanala ireo sento tsy mety mandao

Fantatro ianao fa tsy te hanadino
Tsapako ianao fa tia ka tsy mino.
--------