HAFATRA (Rija Ramanantoanina)

Tsy voafintiko ora vitsy
Izay niainantsika roa
Tsy voatantarako mihitsy
Ireto angano teo aloha
Tantara sy lalana maro
Nandalovana avokoa
Tomany, tsiky nifangaro
Dia samy hitantsika roa.

Kinanjo iray minitra monja
Dia  potika sy  rava maina
Ilay toky dina toa nafonja
Nianjera tsy hita hantenaina

Nataoko ho mafy izay voajoro
Ka tsy ho rava mora foana
Hay iray minitra dia nikoro
Ankehitriny, gina,moana.

Inoako anefa fa toa hambom-po
No tena olantsika roa
Fa ny fitiavana mirehitra
Miandry antsika hohafanainy.

Rija RAMANANTOANINA
--------