MASOANDRO (RAKOTOARISON Onja Lalaina)

Masoandrom-piainana mibaliaka Ianao
Na anaty aizina aza aho mahita tara-pahazavana
Ambany fahasoavanao ny fiainako
Ny tanam-pitiavanao no mitantana ahy
Endre, Jesoa! Ny hafaliana ao am-po
Fa mahatoky aho f’Ianao no aroko
Raha manjombona izany lalana hombana
Ianao no hihazona ny hazavana ao am-po

              Manda fiarovana ho ahy ny eo Aminao
              Ho trotraka foana ireo izay mikasa hamingana ahy
             Ambany elatrao ny momba ahy
              Tsy hisy hanala ahy tsy ho akaikinao
              Endre, Jesoa! Ny hafaliana ao am-po
              Fa mahatoky aho f’Ianao no aroko
              Raha manjo ahy ireo fisedram-piainana
              Ianao no hanafaka ahy sy hanafy hery koa

Mahavonjy amin’ny tanan’ny fahavaloko Ianao
Ka mandrava ny ratsy sy fandrika velariny
Ambanin’ny sandrinao mahery aho
Tsy orin-java-tsoa fa mandresy tokoa
Endre, Jesoa! Ny hafaliana ao am-po
Fa mahatoky aho f’Ianao no aroko
Raha miady ny ady tsaran’ny finoana aho
Ianao hialoha lalana ahy ka tsy hihemotra aho

                                                          Groupe Lalaina…
--------