Ry Zareo!!! (Lolo sy ny tariny)

Dia ao ilay lahimatoa
Ilay tovolahy be taona
Hatry ny taloha
Tsy mody raha tsy noana
Fa mamo toaka lava
Tsy manana anton’asa
Fa velombelom-poana

  Ny alahady any ampiangonana
  Izy no matory
  Fa drodroky ny toakany
  Omaly Asabotsy

Fa ry zareo mantsy
Ry zareo!Ry zareo!
Na mamotoaka lava
Mbola mivavaka

  Dia ao ilay lahiaivo
  Izay mbola mihevitra azy
  Ho tamin’ny andron’ny andevo
  Mandaka mpiasa vavy

Nahazo vady andrina
Dia indro fa narina
Lay fahatsoram-po

  Milaza azy ho dada
  Raha hoe hitady vola
  Kanefa hatramin’izao
  Mbola manefa trosa

Fa ry zareo mantsy
Ry zareo!Ry zareo!
Tsy mba manaiky resy
Ka dia mamita-tena

  Dia ao ny reniny
  Mangina toy ny moana
  Fa raha vao mba miteny
  Miteniteny foana

Ny vadiny efa maty
Nolazainy hoe tany an’ady
Nefa tsy niady akory

  Dia ao ilay renibe
  Izay hiandrasan-kofaty
  Fa lazain-dry zareo
  Fa hoe mandany ny vary

Fa ry zareo mantsy
Ry zareo!Ry zareo!
Tsy mba misaina intsony
Fa dia mitsitsy foana

  Dia ao koa i Soa
  Manja toy ny masoandro
  Izay tia ahy tokoa
  Tsarovako isanandro

Matetika izahay no
Efa mandefa nofy
Fa hivady amin’izay

  Izaho manahy mafy
  Fa raha toa tsisy izany
  Dia noho ry zareo
  Noho ry zareo ihany

Fa ry zareo mantsy
Ry zareo!Ry zareo!
Milaza fa i Soa dia
Tsy voatokana ho ahy
--------