Lemizo (Lolo sy ny tariny)

(Nalaina tao amin'ny tononkira.serasera.org)
Satrin’i Lemizo a,
Mba ho any Texas é,
Hitaingin-tsoavaly a.
Any a Zamerika é
Manjaka toa mpanjaka
Ny mpilalao basy a.

Izany no mba nofinofiny
Avy any anaty aloky ny Cher-fréra-
N’Ambodin’andohalo a

Tananan’i Lemizo a
Ka efa mba nataony
Ho toy ny Texas a.
Any Andavamamba é
Manjaka toa mpanjaka
Ny mpilalao antsy a.

Tsy azo lalovana hariva anie
Ny eo antetezan’ilay Bekiraro
Fa mety mahafaty a. (2)

Ny vovon’i Lemizo a
Ka vitany amin’ny daba a
Miampy fehim-barika é.
Rahoviana ka rahoviana
Ny any andavamamba
Ho toy ny zamerika é.

Tomany, tomany i Lemizo anie
Ka nampalahelo ka nampalahelo
Ilay akama kely a
Miakatra, miakatra ny rano anie
Ambany tetezan’ilay Bekiraro
Ka tondra-dranomaso a.

I Dadan’i Lemizo a
Mitondra dilizansy é.
Eny Anosibe.
Mahafinaritra azy
Ny mitondra voiazera a.
Manao taingim-be.

Fa saingy ilay dilizansy anie
Ka miadam-pandeha fa tsy ampy sakafo
Ireo soavaly roa a.

Indray maraina izay a.
Voalako i Lemizo
Voalakon’i Dada.
Fa tratrany nitondra a
Nitondra soavaly
Soavalim-boatiry é.

Soavaly anie ka antom-pivelomana é.
Fa tsy rendrarendra, fa tsy rendrarendra
Toa ny any Texas a.

Satrin’i Lemizo a
Mba ho any texas é.
Hitaingin-tsoavaly a.
--------
Rohy:
Hametraka hevitra
Midira aloha
Momba ny hira
Mpihira : Lolo sy ny tariny
Vangy : 25862
Mpankafy : 1 Ankafizo
Nampiditra : Heriniaina
Daty : 25/01/2002 14:00
© serasera.org 1999 - 2024 - page load 0.0125