Ny andro anio (Zopanage)

Ny andro anio dia ilay andro iray
‘Zay nifandaozantsika indray
Ny andro anio tsy mba andro mahamay
Fa mampifoha indray ny tsiahy
Mafy anie ‘zany ilaozanao
Mampitoloko talaho
Nefa anie izao no natao
Mba itiavako anao.

Ny andro anio no nifanaovana
Ny mamikely hifahatsiarovana
Ny andro anio mahatorovana
Ny làlantsika tsy handalovana
Mangingina ‘lay lalankely
Manirery izao izy
Fa tsy atao mba hamerivery
Ny saina izay mihizihizy

Fa mbola ho avy indray ny masoandro
Mba hanazava, hanome ny antoandro
Amin’izay hidobok’hafaliana
Ny fontsika fa samy eo ny tiana
Tsisy intsony izany tomany
Fa ny tsiky no hany
Hanolo indray ny vinany
Ho fifaliana hatrany



Tonony sy feony : Ndrina Ranaivo
--------
Rohy: https://tononkira.serasera.org/hira/zopanage/ny-andro-anio-1
Hametraka hevitra
Midira aloha
Momba ny hira
Mpihira : Zopanage
Vangy : 3073
Mpankafy : 0 Ankafizo
Nampiditra : ikalamako
Daty : 02/09/2015 23:29
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.1193