Hira ho an'ny zanaka (Zandry Gasy)

1- Ny hany hasambarako,ny zanako ihany
     Harena sy fananako,indrindra eto antany
     Handimby ny anarako,ho 'reha hatrany hatrany
     Ka hitahiry ireo tantarako hatrany amparany any ×2

Ref : Fa ianareo no antony fisiana
         Satria fitohizanay,malala sady tiana                   oh!.
        Niharetana ny mafy,ary koa niafiana
        Kanefa ihany koa loharanompifaliana oohh!.

2-Ny atony hisasarako sy handaniako ny aiko
   Ny hiadananareo zanako,ianareo sombiniaiko
  Ka tanjona hifaharako,hampitony ny saiko.
  Ny hasambatranareo taranako,ny ankoatr'izay de tsy haiko.

  Ref: Fa ianareo no antony fisiana
         Satria fitohizanay,malala sady tiana                   oh!.
        Niharetana ny mafy,ary koa niafiana
        Kanefa ihany koa loharanompifaliana oohh!.
  
      ..Ny hafatra hambarako,tsy ataoko teny lava
        Ny tena hirariako de ny hoe mifankatiava
        Tso-drano no atolotro 'zay atao s'izay hombana
        Ny tonombavako eto imolotro
  "Mahaleova Mahalasana".

Zandry Gasy "Hira ho an'ny zanaka".
--------