Jamba (Rija Ramanantoanina)

(Nalaina tao amin'ny tononkira.serasera.org)
‘Reo hira izay fanaoko tena nankafizinao
Nanjary tora-bato handosirako hatrizao
‘Reo hirahirantsika niarahina hatrizay
Dia tsy tiako ho re intsony ankehitriny

Dia lasa mantsy ianao namela fo iray hitomany
Ny antsony sy kiakany tsy nisy tsy nahare
Fa hay nivoaka indrindra ny efa niafina ela be,
Nanamaivana ity fo ‘zay saika mona

Efa fanantenana iray vaovao, no indro nitsiry
Namono ny anaranao
Vao hoe tsiriry, tsy hoe mandalo akory anao
Fa tena honina tokoa, hanarin’ireo teo aloha

Fa jamba sy tia adala aho hatrizay
Nanary lamba, raha vao nantoninao akaiky
Ary angamba nodoninao ny saiko hanaiky
Fa ianao no ilay fitia, ianao irery no fitia

‘Reo ratra nahazatra niaretako hatrizay
Tsy laitram-panafody nefa tena nahamay
Lazaiko anao anio fa tena sitrana ireo
Efa tsara mpanasitrana hafa no ianao

‘Reo hira izay fanaoko tena nankafizinao
Dia kalo tiany indrindra sady nahagaga ahy
Nasiany feo faharoa dia niara-nihira izahay
Tena kanto noho ny kanto fa lazaiko anao
--------
Rohy:
Hametraka hevitra
Midira aloha
Momba ny hira
Mpihira : Rija Ramanantoanina
Vangy : 10363
Mpankafy : 1 Ankafizo
Nampiditra :
Daty : 06/09/2002 10:48
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0115