Miderà an'i Jehovah (Ny salohy)

       1- Miderà an’i Jehovah, miantsoa ny anarany
          Ampahafantaro ny firenena ny asany
          Mihirà ho Azy, mankalazà Azy
          Saintsaino ny fahagagàna rehetra izay nataony
          Ataovy reharehanareo ny Anarany Masina

          Aoka hifaly ny fon’izay mitady an’i Jehovah
          Katsaho mandrakariva ny tavany
          Mahatsiarova ny asa mahagàga izay ataony
          Dia ny fahagagàna sy ny fitsaran’ny vavany

       2- mihirà ho an’i Jehovah ry tany rehetra
          Lazao isan’andro ny famonjena mahafaly
          Ambarao amin’ny jentilisa ny voninahiny
          Ary any amin’ny firenena ny fahagagàna ataony
          Fa lehibe Jehovah ka mendrika hoderaina

          Ry firenena manomeza voninahitra
          Sy hery ho an’i Jehovah
          Manomeza ho an’i Jehovah ny voninahitry ny anarany
          Mangovita eo anatrehany ry tany rehetra

                 RATSIMBAZAFY Barijaona Njakatiana
--------