IZAHO SY IANAO (Ny salohy)

Izaho sy ianao
No nanolotra Azy ho tsaraina
Izaho sy ianao
No nanameloka Azy toy ny olon-dratsy
Izaho sy ianao
No nandà Azy tsy ho Kristy
Izaho sy ianao
Ilay niantsoantso hoe : "homboy Izy"

Mbola izaho sy ianao
Ilay nihevitra Azy ho adala
Izaho sy ianao
Ilay nandà Azy ho tsy nahalala
Nefa ny famonjena izay natolony
No nanekeny ho faty mba ho ahy sy ho anao.

Izaho sy ianao
No antsoiny hanatona Azy anio
Izaho sy ianao
No tiany indrindra koa ka tadidio
Fa ho ahy sy ho anao
No nanolorany ny tenany
Izaho sy ianao
Dia samy mbola itenenany hoe :

Miverena ka avia raiso Kristy
Ilay Tompo sy Mpamonjy izao tontolo izao
Aza lavina intsony na koa atosika indray
Fa vonona Izy anio handray ahy sy anao.

RABAIRIJAONA Andrianaina Robdera
--------