Aza Hodiana Tsy Heno (Ny Menafify)

Aza hodiana tsy heno ny antson’i Tompo e !
Aza hodiana marenina mba henoy ihany a !
Antso malefaka tsy mba mitrerona
Manambitamby anao mba hiverina
Aza hodiana tsy heno valio ny antson’i Tompo e !

Izy rahalahy tsy hamitaka anao sanatria e !
Fa hitantana anao amin’ny lalana hombana ety e !
Tsy hamela anao hiady irery na koa hianahana
Hialoha lalana anao  hatrany kanana
Izy ry bavy tsy hamitaka anao sanatria e !
Fa hitantana anao amin’ny lalana hombana ety e !
Tsy hamela anao hiady irery na koa hianahana
Hialoha lalana anao  hatrany kanana

Aza mba tara ianao na varimbariana e !
Aza sodoka ny rehaka mahasondriana
Sao efa kenda vao domy aho ranotra
Vaky ny sambo ka tsy afa-mitroatra
Aza hodiana tsy heno valio ny antson’i Tompo e !
--------