Bekotro (Iraimbilanja)

(Nalaina tao amin'ny tononkira.serasera.org)
Tsy nierany fa tonga dia nentiny
Ireo lehilahy matanjaka sy vatony
Nentiny niampita ny valam-parihy

Tonga tany dia nampilahariny
Nomeny fanamiana sy fitaovam-piadiana
Dia nalefa tery aloha tery
Izy ireo no Bekotro maroholatra
Niady tamin’ny mpanjanaka
Misaotra anao ry Bekotro maroholatra
Nandresy ny matanjaka

Vita ny ady dia niverina taty
Ireo rehetra siasa, tsy maty tany
Nitondra ratra, takaitra sy galona marobe

Tonga tety izy ireo dia nitantara
Fa ireo mahery miseho tena ho Dada
Dia mbola mila ny fanampiantsika ety

Nanomboka teo, nivadika ny tantara
Fa ireo Bekotro, tsy nisalasala
Avy hatrany dia nitaky ny fahaleovan-tenany

Tsy nierany tonga dia nentiny
Ireo lehilehy matanjaka sy vatony
Nentiny niampita ny valam-parihy
--------
Rohy:
Hametraka hevitra
Midira aloha
Momba ny hira
Mpihira : Iraimbilanja
Vangy : 3870
Mpankafy : 0 Ankafizo
Nampiditra :
Daty : 12/09/2002 16:15
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.7843