HANKALAZAKO ANAO (Groupe NAINA)

Hankalazako Anao
Ny tontolon’ny hatanorako
Hankalazako Anao
Izay mety lalana hombako
Hankalazako Anao
‘Reo noraisiko avy taminao Ray
Hankalazako Anao
Fahasoavanao no nahatoy izao ahy

Na tsy mendrika aza aho eo anatrehanao
Tena tianao
Na dia lavo indraindray fa lavitra Anao
Tsy nafoinao
Izany indrindra re ry Raiko Malala o
No antony hankalazako Anao
Fa raha mbola velona aho
Dia hihira ho Anao

Na maraina na hariva ny andro
Tsy hitsahatra aho ny hidera Anao
Na hatsiaka na baliaka masoandro
Mainka izany hankalazako Anao
Hira malefaka ‘zay milantolanto
Mampiangola ka injay tena kanto
‘Reo mihetsiketsika mitondra hafaliana
Tiako avokoa raha mbola hoe fitoriana

Maro ireo karazam-peo hikaloana
Samy te hanandratra ny hajanao
Isan’andro tsy mba misy fiatoana
Mahaliana hatrany tsy mankalaho
Ireo feo efatra voarindra ho iray
Mamelombelona ny ati-fanahy
‘Reo hikiaka sy ireo ambanimbany
Dia mba ankasitraho hatrany hatrany
--------