ISAKY !.... (Gabhy)

(Nalaina tao amin'ny tononkira.serasera.org)
Isaky ny vao maraina
Hisandraham-boninkazo
Dia fanaoko hatrany hatrany
Ny mizaha ’zay kanto indrindra

Nefa endrika daholo
Mora mihintsana malazo
Ny endrikao irery ihany
No vonifanja soa, mirindra

Isaky ny takariva dia manjary zava-batrako
Ny miandrandra habakabaka hijery kintana hiseho
Nefa indreo fa kintana hafa mahatsilo hatrany an-tratrako
No mamiratra indrindra... Hay ny masonao ireo

Raha handrava nofo anao
Ny taona maro nolalovana
Eny nampody anao
Any an-tany fahalovana

Ny endrikao... fahatanoràna
Mbola ho voninkazo amiko
Ny masonao mijery ahy
Mbola ho kintana alin-taniko
--------
Rohy:
Hametraka hevitra
Midira aloha
Momba ny hira
Mpihira : Gabhy
Vangy : 3322
Mpankafy : 0 Ankafizo
Nampiditra : narihe
Daty : 07/02/2006 19:51
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0881